Transcription
1
Monsieur, comme nostre laquetz est arivé, il nous
2
a trouvé venant de la guerre du costé de Livron
3
où avons donné jusques fort proche pour
4
avoyr moyan de prandre langue, et avons failly
5
datraper disuuict [=dix-huit] ou ving chevaulx qui estoist
6
en deulx troupes servant descorte à des fourageurs,
7
lesquels il lont soudin abandonné, sedant mieulx
8
des esperons que de leur pistoles. Les valetz qui
9
ont esté prins dient que les sieurs de Deguieres,
10
Champeleons, capitène Bastien, avec trois ensègnes de
11
gens de pié sont à Livron, lequel il rampare
12
avec bariques plènes de terres. Le sieur de
13
Monbrun est à Lorio[l], avec le reste de leur forces,
14
ormis le sieur de Mirebel et Glandages, lesquels
15sont à Mirmande. I’ay veu, [barré : aussy ] monsieur, par ce
16
quil vous a plu mescripre la revolte du
17
sieur de Perault. Par cela pouvés juger le
18
peu de fiance qui lya en eulx, qui me
19
faict vous supplier me faire tant donneur
20
que de me mander par ce gentilhomme presant
21
porteur, si congnoyssés qui ly est dangé proche
22de Talin, daultant quay [barré : ye ] ma fame cheulx
23
ungne de mes tantes, la mayson de laquelle
24
nen est elongnée que de demie lieus. Me
25
faisant ceste faveur, vous mobligerés à vous
26
faire service, ce que ie feray à touiours de telle
27
affection que vous bayse humblement les mains
28
et faicts requeste à Dyeu vous donner,
29
monsieur, très longue et heureuse vie. D’Estoylle,
30
ce XXIIIIe mars 1574.
31
Votre humble et hobeisant
32
serviteur
33
L de Rochefort